දෙනියාය පල්ලේගම සම්බෝධි වැඩිහිටි නිවාසය අසල දි අද (16) පස්වරුවේ රාජකාරි කටයුත්තක් සදහා යමින් සිට් පොලිස් නිලධාරියෙකුගේ ගෙල ප්‍රදේශයට පිහියකින් පහරදි බරපතළ තුවාල සිදුකල චීවරධාරියෙකු අත්අඩංගුවට ගත් බව පොලිසිය පවසයි.
මෙලෙස බරපතළ තුවාල ලබා ඇත්තේ දෙනියාය පොලිසියට අනුයුක්තව රාජකාරි කල 37 හැවිරිදි පොලිස් කොස්තාපල්වරයෙකි.
අත් අඩංගුවට ගෙන ඇත්තේ 18 හැවිරිදි චීවරධාරියෙකු බවද පොලිසිය පවසයි.
බරපතළ තුවාල ලැබු පොලිස් කොස්තාපල්වරයා දෙනියාය රෝහලට ඇතුළත් කිරීමෙන් පසු වැඩිදුර ප්‍රතිකාර සඳහා ගාල්ල කරාපිටිය රෝහලට මාරු කර යවා තිබේ.
සැකකාර චීවරධාරියාගේ සොහොයුරිය සමග තුවාල ලැබු පොලිසිය කොස්තාපල්වරයා ප්‍රේම සම්බන්ධතාවක් පවත්වාගෙන ගොස් ඇති අතර ඒ සම්බන්ධයෙන් ඇතිවු ආරවුලක් හේතුවෙන් සිදුවූ බහින් බස් වීමකින් මෙම සිද්ධිය සිදුව ඇති බව අනාවරණය වී ඇතැයි පොලිසිය පවසයි.
සිද්ධිය සම්බන්ධයෙන් දෙනියාය පොලිසිය පොලිසිය වැඩිදුර පරීක්ෂණ පවත්වාගෙන යනු ලබයි.
