අධික වේගයෙන් ධාවනය කරමින් ත්රිරෝද රථ තරගයක් යතුරුපැදියකින් යමින් වීඩියෝ ගත කරමින් සිටී තරුණයන් දෙදෙනෙකු ආලෝක විදුලි කනුවක ගැටීමෙන් එක් තරුණයකු මියගොස් තවත් තරුණයකු බරපතළ තුවාල ලබා ඇති බවත් පානදුර දකුණ පොලිසිය පවසයි.
අනතුරෙන් මියගොස් ඇත්තේ පානදුර නල්ලූරුව මොරවින්න ප්රදේශයේ පදිංචිව සිටී 19 හැව්රිදි තරුණයකු බව පොලිසිය පවසයි.
කළුතර දෙස සිට පානදුර දෙසට ත්රීරෝද රථ තරගයක් පවත්වා ඇති බවත්, තවත් තරුණ පිරිසක් යතුරුපැදි වලින් තරගය වීඩියෝ ගතකරමින් පැමිණ ඇති බවත් පොලිසිය පවසයි.
එහිදී එක් යතුරුපැදියක් නල්ලූරුව ප්රදේශයේ දී මාර්ගයෙන් ඉවතට පැන විදුලි කනුවක ගැටී ඇති අතර බරපතළ තුවාල ලැබූ තරුණයන් දෙදෙනා පානදුර මූලික රෝහලට ඇතුලත් කර ඇති බවත් සදහන් වේ.
