ඉන්දියාවේ මහරාෂ්ඨ ප්‍රාන්තයේ අධිවේගී මාර්ගයක අද (01) අලුයම සිදුවූ බස් රථ අනතුරකින් කුඩා දරුවන් තුන්දෙනෙකු ඇතුලු 25 දෙනෙකු මියගොස් තිබෙන බව එරට මාධ්‍ය වාර්තා කළේය.
බස් රථය අනතුරට අවස්ථාවේ බස් රථයේ තිස් දෙදෙනෙකු ගමන් කර තිබේ.
යාවත්මහල් සිට පූනේ බලා ධාවනය වෙමින් තිබූ මෙම බස් රථය, බල්දානා ප්‍රදේශයේදී අද අලුයම 2.00 ට පමණ ටයරයක් පුපුරා ගොස් ආරක්ෂක බැම්මක ගැටී ගිනිගෙන මෙම අනතුර සිදුව ඇති බව එරට මාධ්‍ය වාර්තා කළේය.
එම ගින්නට හසුවීමෙන් මෙම පිරිස මියගොස් ඇති අතර, රියදුරු ඇතුලු අට දෙනෙකු පිළිස්සුම් තුවාල ලබා රෝහල් ගත කර තිබෙන බවද එම වාර්තා සඳහන් කළේය.
