ක්‍රිකට් ලෝක කුසලාන සුදුසුකම් ලබා ගැනීමේ තරගාවලියේ සුපිරි හයදෙනාගේ වටයේ තරගයේ දී ප්‍රථම තරගයෙන් තියුණු ජයක් ලබාගැනීමට ශ්‍රී ලංකා කණ්ඩායම අද (30) සමත් විය.
නෙදර්ලන්තයට එරෙහිව තරගය පැවැත්වුනේ සිම්බාබ්වේ, බුලවායෝ හී දී ය.
පළමුවෙන් පන්දුවට පහරදුන් ශ්‍රී ලංකා කණ්ඩායම පන්දුවාර 47යි පන්දු 04ක් අවසානයේ සියලුදෙනා දැවී රැස් කළ ලකුණු 213කි.
තරගයේ කාසියේ වාසිය දිනාගත් ශ්‍රී ලංකා කාණ්ඩායම පළමුවෙන් පන්දුවට පහරදීමට තීරණය කර තිබුණි. ඒ අනුව තරගය ජයගැනීම සඳහා නෙදර්ලන්තයට හිමිවූ ඉලක්කය ලකුණු 214කි.
ලකුණු 214ක ඉලක්කය හඹාගිය නෙදර්ලන්තය පන්දුවාර 40ක් අවසානයේ කඩුළු සියල්ල දැවී ලබාගත්තේ ලකුණු 192ක් පමණි. ඒ අනුව ශ්‍රී ලංකාව එම තරගය ලකුණු 21කින් ජය ගත්තේය.
