දකුණු මුහුදේ ධීවර කටයුතුවල නිරත වෙමින් සිටි මෙරට බහුදින යාත්‍රාවකට ඉන්දුනීසියාවේ බවට සැකකෙරෙන යාත්‍රාවක සිටි පිරිසක් පෙට්‍රල් බෝම්බ ප්‍රහාරයක් එල්ල කර තිබෙන බව වාර්තාවේ.
පසුගිය ඉරිදා එල්ලවූ මෙම ප්‍රහාරයෙන් එහි සිටි ධීවරයෙකු බරපතල පිළිස්සුම් තුවාල ලබා ඇති අතර ඔහු අද (11) රාත්‍රියේ ගාලු වරාය වෙත රැගෙන එමෙන් පසු ප්‍රතිකාර සඳහා ගාල්ල කරාපිටිය රෝහලට ඇතුළත් කර ඇත.
පසුගියදා මීගමුව ප්‍රදේශයෙන් මුහුදුගොස් ඇති මෙම යාත්‍රාවේ තවත් ධීවරයින් 06 දෙනෙකු සිට තිබේ.
කෙසේ වෙතත් අනෙක් ධීවරයින්ට හානියක් සිදුවී නොමැති අතර මෙලෙස තුවාල ලබා ඇත්තේ ත්‍රිකුණාමලය ප්‍රදේශයේ පදිංචි 33 හැවිරිදි ධීවරයෙකු බව එම වාර්තා සඳහන් වැඩිදුරටත් සදහන් කළේය.
