දිර්ඝ කාලයක සිට අගුරුවාතොට ප්‍රදේශයේ සංවිධානාත්මකව පොල් කඩන පස් දෙනෙකුගෙන් යුතු කල්ලියක දෙදෙනෙකු ගස් නැග සිටි අවස්ථාවේ පෙරේදා (05) අත් අඩංගුවට ගත් බව අගුරුවාතොට පොලිසිය පවසයි.
මොවුන් සමඟ කඩා දමා තිබු පොල්ගෙඩි දහයක් හා යතුරුපැදියක් ද පොලිසිය භාරයට ගෙන තිබේ.
අගුරුවාතොට,හල්ලන්කන්ද ප්‍රදේශයේ වත්තක 5 දා රාත්‍රියේ පොල් කඩන බවට පොලිසියට ලද තොරතුරකට අනුව මෙම වැටලිම සිදු කර ඇති අතර එම අවස්ථාවේ තිදෙනෙකු පලා ගිය බව පොලිසිය පවසයි.
අවුරුදු 18ත් 25ත් අතර තරුණයින් වන මොවුන් තදින් මත් ද්‍රව්‍ය වලට ඇබ්බැහි වුවන් වන අතර මෙසේ කඩන හොර පොල් මිල්ලනිය, හල්තොට, බටගොඩ, ගල්පාත ආදි අවට ප්‍රදේශවලට විකුණන බව අණවරනය වි තිබේ
