හසලක උල්පතගම ප්‍රදේශයේ දී ඊයේ (10) කුඩා දැරියක් මිණිපේ යෝධ ඇළට වැටී මියගොස් ඇති බව හසලක පොලිසිය පවසයි.
මෙලෙස මියගොස් ඇත්තේ අවුරුද්දයි මාස 3ක් වයසැති සිඟිති දැරියක් බව පොලිසිය පවසයි .
කුඩා දැරිය සිය වැඩිමහල් සහෝදරයා සමග සිය නිවස අසල පිහිටි තවත් නිවසකට ගොස් සෙල්ලම් කරමින් සිට ඇති අතර පසුව ඒ ආසන්නයේ පිහිටි මිණිපේ යෝධ ඇළට ගොස් තිබේ.එහි දී දැරිය යෝධ ඇළට වැටී ඇති අතර පසුව ප්‍රදේශවාසීන් විසින් ගොඩට ගෙන දැරිය හසලක රෝහලට රැගෙන ඇතුළත් කර තිබේ.
ඒ වන විටත් දැරිය මියගොස් සිට තිබේ. සිද්ධිය සම්බන්ධයෙන් හසලක පොලීසිය වැඩිදුර පරික්ෂණ පවත්වා ගෙනයනු ලබයි
