ගාල්ල, බූස්ස යුධ හමුදා කඳවුරේ බුද්ධි නිලධාරින්ට ලැබුන තොරතුරක් අනුව ඇඹිලිපිටිය යුධ හමුදා අනුඛණ්ඩයේ සෙබළුන් සහ ඇඹිලිපිටිය පොලිසියේ නිලධාරින්ද සමග එක්ව අලුත්වැව මව්ආර ප්‍රදේශයේ ගංජා හේනක් වටලා විශාල ප්‍රමාණයේ ගංජා ගස් 400ක්, වියලි ගංජා ග්‍රෑම් 500ක් සමග සැකකරුවෙකු අද (01) අලුයම අත් අඩංගුවට ගෙන තිබේ.
අක්කර තුන් කාලක භුමියක සරුවට වගාකර තිබු ගංජා හේන දැඩි රැකවල් යටතේ ඉතා රහසිගතව වගාකර ඇති අතර හමුදා නිලධාරින් වැටලිම සිදු කරන අවස්ථාවේ එහි සිටි තවත් සැකකරුවෙකු පලාගොස් ඇත.
අත් අඩංගුවට ගත් සැකකරු සහ ගංජා අධිකරණයට ඉදිරිපත් කිරිම සඳහා හම්බෙගමුව පොලිසියට බාරදි ඇත.
