ඉදිරි දිනවල සවස් කාලයේ වැසි ඇතිවීමට සුදුසු වායුගෝලීය තත්වයක් පවතින බව කාලගුණ විද්‍යා දෙපාර්තමේන්තුව පවසයි.
ඒ අනුව උතුරු, උතුරුමැද, නැගෙනහිර, මධ්‍යම, සබරගමුව සහ ඌව පළාත්වල අද (23) දිනයේත් සවස 2.00 න් පසු තැනින් තැන වැසි හෝ ගිගුරුම් සහිත වැසි ඇතිවන බව එම දෙපාර්තමේන්තුව පැවසීය
මේ අතර ඉදිරි දිනවලදී ශ්‍රී ලංකාවට වැසි ලැබීමේ ඉහළ බලාපොරොත්තුවක් තබා ගත හැකි බව ජාත්‍යන්තර කාලගුණ අංශද පූර්ව අනාවැකි පළකර තිබේ
ගිගුරුම් සහිත වැසි සමඟ තාවකාලික තද සුළං සහ අකුණු අනතුරු ද ඇතිවිය හැකි බැවින් අනතුරු අවම කරගැනීමට ක්‍රියාකරන්නැයි කාලගුණ විද්‍යා දෙපාර්තමේන්තුව ජනතාවට දැනුම්දීමක් කරයි
