බෙලිඅත්ත සිට කොළඹ දක්වා ධාවනය වූ දුම්රියක් අද (27) සවස ගාල්ල දුම්රිය ස්ථානයට ආසන්න මිනුවන්ගොඩ දුම්රිය හරස් මාර්ගය අවහිර කරමින් කාර්මික දෝෂයකට ලක්ව නැවතීම නිසා ගාල්ල – වක්වැල්ල ප්‍රධාන මාර්ගයේ ගමනාගමනය විනාඩි 40 ක පමණ කාලයක් ඇණහිට තිබුණි.
මේ හේතුවෙන් එම ප්‍රදේශයේ දැඩි රථවාහන තදබදයක් ඇතිවිය.
මෙම දුම්රිය හේතුවෙන් ගාල්ල බෙලිඅත්ත දුම්රිය මාර්ගයේ දුම්රිය ගමනාගමනයට ද බාධා එල්ලවු බව වාර්තාවේ.
පසුව ගාල්ල දුම්රිය ස්ථානයේ සිට අතිරේක දුම්රිය ඇන්ජිමක් ගෙන්වා එම දුම්රිය ගාල්ල දුම්රිය ස්ථානය වෙත ඇදගෙන යනු ලැබීය.
