යාපනය සිට කොළඹ බලා ධාවනය වෙමින් තිබූ සුඛෝපභෝගී බස් රථයක් අද (30) අලුයම මදුරන්කුලිය කරිකට්ටිට ප්‍රදේශයේදී එක්වරම ගිනිගෙන විනාශ වී තිබේ.
බස් රථය ගිනිගන්නා අවස්ථාවේදී එම රථයේ සියලු ආසනවල මගීන් සිට ඇතිමුත් ඉන් කිසිවෙකුටත් හානියක් සිදුව නොමැත.
බස් රථය යාපනයෙන් ඊයේ (29) රාත්‍රී 10.30ට පමණ කොළඹ බලා ගමන් ආරම්භ කර තිබේ.
කෙසේ වෙතත් ඇතැම් මගීන්ගේ ගමන්මළු කිහිපයක් හදිසි ගින්න හේතුවෙන් විනාශ වී ඇති බව වාර්තාවේ.
ගින්න පිළිබඳව සැලවීමත් සමඟ පුත්තලම නගර සභාවේ ගිනි නිවීමේ ඒකකය හා පාලවිය ගුවන් හමුදා ගිනි නිවිමේ ඒකක පැමින ගින්න පාලනය කිරීමට සමත්වුවද ඒ වනවිටත් බස් රථය සම්පූර්ණයෙන්ම විනාශ වී ඇති බව වාර්තා වෙයි.
ගිනි ගැනීමට ලක්වූ බස් රථයේ සිටි මගීන් වෙනත් බස් රථයකින් කොළඹ ගමන් කිරීමට අවශ්‍ය කටයුතු යොදා ඇත.
ගින්නට හේතුව මෙතෙක් අනාවරණය වී නොමැති අතර මදුරන්කුලිය පොලීසිය සිද්ධිය සම්බන්ධයෙන් වැඩිදුර විමර්ශන සිදුකරයි
