හොරොව්පොතාන ප්‍රදේශයේදී ඊයේ (30) රාත්‍රියේ සිදුවු රිය අනතුරකින් යුදහමුදා සෙබළකු ඇතුළු දෙදෙනකු මියගොස් රථයේ රියදුරා බරපතළ තුවාල ලබා අනුරාධපුර ශික්ෂණ රෝහලට ඇතුළත් කර ඇතැයි පොලිසිය පවසයි.
මෙලෙස මියගොස් ඇත්තේ අලුත්වත්ත, මරදන්කඩවල පදිංචි යුද හමුදා සෙබලකු හා නිකවැව හොරොව්පොතානේ පදිංචි 19 හැවිරිදි තරුණයෙකි.
කැබිතිගොල්ලෑව ප්‍රදේශයේ පැවති මංගල උත්සවයකට ගොස් නැවත හොරොව්පොතාන දෙසට ගමන් ගත් මෝටර් රථයක් හොරොව්පොතාන – වව්නියාව මාර්ගයේ කිවුලකඩවල ප්‍රදේශයේ දී ගවයන් දෙදෙනකුගේ ගැටි පසුව බෝක්කුවක ද ගැටී මාර්ගයෙන් ඉවතට පැන පෙරලී මෙම අනතුර සිදුව ඇති බව හොරොව්පොතාන පොලිසිය පවසයි.
මෝටර් රථයේ රියදුරු බරපතල තුවාල ලබා ඇති අතර ප්‍රදේශවාසින් එක්ව හොරොව්පොතාන ප්‍රදේශිය රෝහලට ඇතුළත් කර තිබේ. බරපතල තුවාල ලබා සිටි රියදුරු වැඩි දුර ප්‍රතිකාර සදහා අනුරාධපුර ශික්ෂණ රෝහල වෙත මාරු කර යවා තිබේ.
