අධික උණුසුම් කාලගුණ තත්ත්වය පහව යනතුරු ත්‍රිවිධ හමුදා ඇතුළු අත්‍යවශ්‍ය රාජකාරීවල නිරතවන්නන්ගේ සේවාමුර පිළිබඳ ආයතන ප්‍රධානීන් අවධානය යොමුකළ යුතු බව ශ්‍රී ලංකා වෛද්‍ය සංගමයේ සභාපති විශේෂඥ වෛද්‍ය වින්‍යා ආරියරත්න මහතා පවසයි.
අද (24) කොළඹ පැවති මාධ්‍ය හමුවකට එක්වෙමින් ඒ මහතා මේ බව සඳහන් කළේය.
අධික උණුසුම් අවදානම් කාලසීමා තුළ අදාළ පාර්ශවවල සේවා මුරවල සංශෝධනය කිරීමේ හැකියාව සම්බන්ධයෙන් සොයාබැලීම යෝග්‍ය බව ඔහු පෙන්වා දුන්නේය.
අත්‍යවශ්‍ය රාජකාරී සිදුකරන පිරිස් එම සේවා සිදුකරන ස්ථානවලදී, ලබාදී ඇති මාර්ගෝපදේශ ක්‍රියාත්මක කිරීමට අවශ්‍ය පහසුකම් සැපයීමට ද ආයතන ප්‍රධානීන් වගබලාගත යුතු බව ඔහු ප්‍රකාශ කළේය.
වැඩිදුරටත් අදහස් දැක්වූ ඒ මහතා,
“ඉදිරි සති කිහිපය තුළ උෂ්ණත්වය පහළ යනකම් ආයතන ප්‍රධානීන්ට ලොකු වගකීමක් තියෙනවා ඔවුන්ගේ සේවක සේවිකාවන් මෙවැනි තත්ත්වයන්ට ආවරණය නොවී, සමහර සේවාවන් අනිවාර්යයෙන්ම කරන්න ඕනේ. ආරක්ෂක අංශයේ සේවය කරන අයට, ඒ නිසා ඔවුන් පිළිබඳ අවධානය යොමු කරලා අවශ්‍ය ජලය ලබාදීලා ඒ වගේ දෙවල් කරන්නට ඕනේ. ඒ කාලසටහනේ යම්කිසි වෙනසක් කරන්න පුලුවන්නම් ඉදිරි දින කිහිපය සහ සති කිහිපයකට එක ඉතාම හොඳ දෙයක් වෙනවා මේ තත්ත්වය වළක්වා ගැනීමට
