මරදන්කඩවල ඇටවීරවැව ප්‍රදේශයේදී වන සතුන් දඩයම් කිරීම සඳහා අටවා තිබූ බඳින තුවක්කුවක් ක්‍රියාත්මක වීමෙන් පුද්ගලයෙකු මියගොස් තිබෙන බව පොලිසිය පවසයි.
මෙලෙස මියගොස් ඇත්තේ මරදන්කඩවල ප්‍රදේශයේ පදිංචිව සිටි 62 හැවිරිදි පුද්ගලයෙක්.
තක්කාලි වගාවකට අවශ්‍ය කෝටු කපා ගැනීමට අවශ්‍ය බව පවසා මොහු ඊයේ (10) පස්වරුවේ නිවසින් පිටත්ව ගොස් තිබූ බව සඳහන් එහිදී කැලැවේ අටවා තිබූ බඳින තුවක්කුවක් ක්‍රියාත්මක වීමෙන් මෙම පුද්ගලයාට වෙඩි වැදී ඇති බවට අනාවරණ වී තිබේ
ඔහු යළිත් නිවසට නොපැමිණීම හේතුවෙන් නිවැසියන් ප්‍රදේශවාසින් ද සමග එක්ව සෝදිසියක් සිදු කර ඇති අතර එහිදීයි වෙඩි වැදී කැලෑවේ වැටි සිටි මෙම පුද්ගලයා හමුවී ඇති අතර එම අවස්ථාවේදීම කඩිනමින් ඔහු රෝහල් ගත කිරීමට කටයුතු කර ඇතත් මියගොස් තිබේ.
මෘත ශරීරය කැකිරාව රෝහලේ තැන්පත් කර ඇති අතර සිද්ධිය සම්බන්ධයෙන් මහේස්ත්‍රාත් පරීක්ෂණයක් පැවැත්වීමට නියමිත අතර මරදන්කඩවල පොලිසිය පරීක්ෂණ සිදුකරගෙන යනු ලබයි.
