ගාල්ල – කොළඹ ප්‍රධාන මාර්ගයේ දඩල්ල ප්‍රදේශයේ දී අද (04) අලුයම සිදුවූ රිය අනතුරකින් පුද්ගලයෙකු මියගොස් තිබෙන බව පොලිසිය පවසයි.
මෙලෙස මියගොස් ඇත්තේ 52 හැවිරිදි දඩල්ල වලව්වත්ත පදිංචි පුද්ගලයෙකි.
මියගිය අය සිය පුතා සමඟ යතුරුපැදියකින් ගමන් කරමින් සිටිය දී යතුරුපැදිය සුනඛයෙකුගේ ගැටීමෙන් පසු පෙරළී ගොස් ඇති අතර, එහිදී අදාළ පුද්ගලයා මාර්ගය මත වැටී තිබේ.
එම අවස්ථාවේ පැමිණි බස් රථයකට යට වී මෙම පුද්ගලයා එම ස්ථානයේදීම මියගොස් ඇති බව පොලිසිය පවසයි.
ඔහු සමඟ යතුරුපැදියේ ගමන් ගත් පුත්‍රයාට මෙම අනතුරින් හානියක් සිදුව නොමැති බවද පොලිසිය පවසයි.
අනතුර සම්බන්ධයෙන් ගාල්ල පොලීසිය පරීක්ෂණ පවත්වා ගෙනයනු ලබයි.
