වසර 48කට පසු ලොව පළමු ක්‍රිකට් ලෝක ශුරයින් 2023 ලෝක කුසලාන තරගාවලියෙන් ඉවතට

2023 ක්‍රිකට් ලෝක කුසලාන තරගාවලියට සහභාගීවීමේ අවස්ථාව බටහිර ඉන්දීය කොදෙව් කණ්ඩායමට අහිමිවෙයි. ඒ වසර 48කට පසු විම විශේෂත්වයකි.

එක්දින ලෝක කුසලානයට සුදුසුකම් ලැබීමේ තරගාවලියේ සුපර් සික්ස් වටයේ තරගයක් මෙලෙස අද (01) පැවති ස්කොට්ලන්තය සහ කොදෙව්වන් අතර තරගයේදී ස්කොට්ලන්තය කඩුලු 7කින් ජය වාර්තා කිරීමත් සමගය ඔවුන් තරඟාවලියෙන් ඉවත් විය.

තරගයේ කාසියේ වාසිය දිනාගැනීමට ස්කොට්ලන්ත ය සමත්වූ අතර ඔවුන් තීරණය කළේ පළමුවෙන් පන්දුවට පහරදීමේ අවස්ථාව කොදෙව් කණ්ඩායමට ලබාදීමටය.

ඒ අනුව පළමුවෙන් පන්දුවට පහරදුන් බටහිර ඉන්දීය කොදෙව් කණ්ඩායම පන්දුවාර 43යි පන්දු 5ක් තුළ සියලුදෙනා දැවී රැස් කරගත්තේ ලකුණු 181ක් පමණි.

ඒ අනුව තරගය ජයගැනීම සඳහා ස්කොට්ලන්ත කණ්ඩායමට හිමිවූ ඉලක්කය ලකුණු 182කි.

ලකුණු 182ක ඉලක්කය හඹාගිය ස්කොට්ලන්ත කණ්ඩායම පන්දුවාර 43යි පන්දු 3ක් අවසානයේ කඩුලු 3ක් දැවී ජයග්‍රහණය වාර්තා කළේය

Leave a Reply