ගංජා ඇතුළු විවිධ මත්ද්‍රව්‍ය කලවම් කර නිෂ්පාදනය කරන ලද මත්ද්‍රව්‍ය කරල් විශේෂයක් තරුණයන් හට අළෙවි කිරීමේ යෙදුණු පුද්ගලයකු අද (03) උදෑසන අඟුරුවාතොට පොලීසිය මගින් වැටලීමේදී එම සැකකරු පදවාගෙන ආ යතුරු පැදිය ද දමා පළා ගොස් තිබෙන බව පොලිසිය පවසයි.
සැකකරු පදවාගෙන පැමිණි යතුරුපැදිය පරීක්ෂා කිරීමේදී ඒ තුළ තිබී මත්ද්‍රව්‍ය අඩංගු කූරු 22ක්, කිසියම් මත් ද්‍රව්‍යයක් කලවම් කළ බවට සැකකරන ගංජා ග්‍රෑම් 515 ක්, විද්‍යුත් තරාදියක්, කතුරක්, ඇලෙන සුළු ඉටි රෝල් දෙකක්, ගුවන් ගමන් බලපත්‍ර දෙකක් පොලිස් භාරයට ගෙන ඇත.
පළාගිය සැකකරු බලපිටිය, පාතගම ප්‍රදේශයේ ස්ථිර පදිංචි වයස අවුරුදු 27 ක පුද්ගලයෙකු බව පොලීසිය පවසයි.
සිද්ධිය සම්බන්ධයෙන් අඟුරුවාතොට පොලීසිය වැඩිදුර පරීක්ෂණ පවත්වාගෙන යනු ලබයි.