නේපාලයේ ප්‍රබල භුචලනයෙන් මියගිය සංඛ්‍යාව ඉහලට

වයඹ දිග නේපාලයේ දිස්ත්‍රික් කිහිපයකට ඊයේ (03) රාත්‍රියේ බලපෑ ප්‍රබල භූකම්පන තත්ත්වයෙන් මිය ගිය පිරිස තවදුරටත් ඉහළ ගොස් තිබෙන බව විදෙස් මාධ්‍ය වාර්තා කළේය

ඒ අනුව මේ වන විට පුද්ගලයන් 128 දෙනෙකු පමණ භූ කම්පන තත්ත්වයත් සමඟ සිදු වූ අනතුරුවලින් ජිවිතක්ෂයට පත් ව තවත් 500 කට වැඩි පිරිසක් තුවාල ලබා රෝහල්ගතකර ඇති බව විදෙස් මාධ්‍යය වාර්තා කර ඇත.

මේ අතර, භූ කම්පන තත්ත්වය හේතුවෙන් කඩා වැටුණු සුන්බුන් අතර සිර වී  සිටින ජනතාව මුදාගැනීම සදහා සහන කණ්ඩායම් කටයුතු කරමින් සිටින බව නේපාල අග්‍රාමාත්‍ය පුෂ්ප කමල් දහල් සඳහන් කර තිබේ.
 
වයඹ දිග නේපාලයේ දිස්ත්‍රික් කිහිපයකට ඊයේ (03) රාත්‍රියේ රිච්ටර් මාපංක ඒකක 6.4ක ප්‍රබලත්වයකින් යුතු භූ කම්පන තත්ත්වය වාර්තා වූ අතර ඒ අසල්වැසි ඉන්දියාවට ද දැනී තිබිණ

නේපාලයේ ප්‍රබල භූමිකම්පාවක් – ඉන්දියාවත් හෙල්ලෙයි

Leave a Reply