අධික උණුසුමෙන් ඉන්දීයාවේ පුද්ගලයන් 54 දෙනෙකු මරුට

ඉන්දියාවේ උත්තර් ප්‍රදේශ් ප්‍රාන්තයෙන් වාර්තා වන සෙල්සියස් අංශක 40 ඉක්ම වූ අධික උෂ්ණත්වයෙන් දින තුනක් තුළ ප්‍රාන්ත වැසියන් 54 දෙනෙකු මිය ගොස් තිබෙන බව එරට බලධාරීන් උපුටා දක්වමින් විදෙස් මාධ්‍ය වාර්තා කළේය.

තවත් ප්‍රාන්ත වැසියන් 400ක් රෝහල්ගත කර ඇති බව එම විදෙස් මාධ්‍ය වාර්තා කළේය.

මෙලෙස පුද්ගල මරණ වාර්තා වීමට යම් එක් රෝගී තත්ත්වයක් හේතු වී තිබේ ද යන්න පිළිබඳ විමර්ශනයට ලක්නව් සිට උත්තර් ප්‍රදේශ වෙත කණ්ඩායම් පැමිණ ඇති බව ද වාර්තා වේ.

කෙසේ වුව ද මරණ බහුතරයකට හෘදයාබාධ සහ පාචනය හේතු වී ඇති බව සඳහන්ය.

Leave a Reply